Здружението на новинари нема да седне на маса со владата за новиот Закон за медиуми што е готов и се очекува да биде обелоденет наредната недела.
Ставот на Здружението е дека единствено доколку се казнат и идентификуваат лицата кои на 24 декември ги исфрлија припадниците на седмата сила од Собранието, пред да биде изгласан буџетот за 2013 година и пред да бидат исфрлени опозициските пратеници од салата, тогаш ќе се продолжи со разговорите за медиумите.
Вицепремиерот за евроинтеграции Фатмир Бесими денеска извести и дека следната недела ќе продолжи јавната дебата помеѓу Владата и медиумите за Законот за медиумите, а потсети дека тие преговори ќе продолжат под патронат на Министерството за информатичко општество и администрација.