ЗНАМ: Филипче ти и твојот ментор Заев сте срам за сите чесни членови на СДСМ

Од:

Венко Филипче денеска ја покажа најголемата вистина за себе – стравот. Стравот од моќта на ЗНАМ. Стравот од тоа што граѓаните ја препознаваат искреноста, доследноста и борбата на нашето Движење.

Она што навистина го парализира Филипче е очигледниот страв дека на претстојните избори не го чека само пораз, туку катастрофален дебакл од
кој враќање назад нема, наведуваат од Движењето ЗНАМ За Наша Македонија.

Денес, истиот тој човек кој цело лето го помина на луксузни јахти и крстарења низ Медитеранот, се осмелува да зборува за чесност и да повикува на враќање во СДСМ.

Тоа е навреда за сите чесни членови на СДСМ и лицемерие од највисок степен.

Венко, вистината не може да се сокрие со зборови. Твоето владеење беше синоним за криминал и злоупотреби – од скандалозни тендери и провизии во здравството, до неспроведени и нетранспарентни проекти како Клиничкиот центар, кој заврши во коруптивен мрак.

Ти си човекот кој ја користеше функцијата за лична корист, а јавноста долго време го гледаше тоа преку сомнителните набавки, скандалозните договори и милионските тендери.

Златната виза што ја стекна е јасен симбол на твојата алчност и на распродажбата на македонските интереси. Јавноста заслужува одговори од твоја страна за тоа како и зошто доби привилегија која отвори врата за сомнителни бизнис и странски инвестиции на сметка на државата!

Со резолуцијата што ја достави пред неколку дена, повторно го покажа своето вистинско лице – злосторникот се враќа на местото на злосторот!
Без срам, без морал, подготвен да ја распродаде државата и повторно да ги стави личните и партиските интереси пред граѓаните.

Движење ЗНАМ за наша Македонија е партија, партнер во власта, која функционира како вистински коректор- со визија, со програми, со конкретни решенија и со чесни политики кои го ставаат граѓанинот на прво место.

Ние не менуваме имиња, туку предводиме реформи, ги разбираме проблемите на граѓаните, ги корегираме системските пропусти и носиме решенија.
Нашите политики се чесни, транспарентни и одговорни.

На претстојните локалните избори не те очекува само пораз, ќе доживееш невиден политички дебакл, заслужена пресуда од народот за сите афери, за сите сомнежи и за секоја распродадена надеж, наведуваат од ЗНАМ.

Би можело да ве интересира

Приведено 87-годишно лице кое возеше во спротивна насока на булеварот Партизански одреди

Ристовски: Понудивме конкретен план и решение за проблемот со добитокот во Крива Паланка, градоначалникот Митовски го одби

Клековски: Ако сѐ биде во ред, есента 2027 ќе продолжиме со изградбата на клиничката болница – Штип

Протест во  Крива Паланка, Митовски порача: Одиме до крај — додека не се спроведе законот и последното грло добиток не биде изнесено од градот

Спортска сала, мамограф и патни инвестиции – премиерот Мицкоски најави нови проекти за Делчево и регионот

МВР: Безживотно тело на 38-годишен маж со прострелна рана пронајдено кај Смилковци