Значајно зачестено барањето за домашна посета, Филипче уверува дека има кадар

Од:

По воведувањето на мерките за заштита од коронавирусот зачестиле барањата на граѓаните за домашна посета од медициски лица, извести министерот за здравство Венко Филипче. Тој ги повика граѓаните да ја користат можноста за помош во домашни услови и укажа дека и Итната медицинска помош и патронажните служби имаат капацитет да одговорат на барањата.

„Во изминативе денови значајно е почесто барањето за домашна посета од страна на граѓаните, што не е лошо. Напротив, добро е. Со какви било симптоми добро е да се осигураме дали може да се лекува во домашни услови или има потреба од дополнително дијагностицирање. Се зголеми капацитетот на службата за Итна медицинска помош во Скопје со возила. Дел од возилата кои беа планирани за други места во меѓувреме стигнаа, сега се сите во Скопје со што значајно се надгради капацитетот за дополнителни 70-80 проценти“, рече министерот Филипче.

Здравствениот дом Скопје ги сопрел сите специјализации на вработените. Младите доктори испретани на специјализации се вратиле назад и сега помагаат токму во Итната помош и домашната посета.

„Очекувано е во овие моменти кога препорачуваме да се остане дома да има зачестени повици. Итните служби и службите за патронажа ќе излезат во пресрет. Сега тие располагаат и со кадар“, уверува министерот Филипче.

Би можело да ве интересира

Филипче: Битола четири години е запустена, време е за промена со Куновски и тимот на СДСМ

Филипче од Битола: Оваа власт не ги решава проблемите на луѓето туку ги игнорира

(ВИДЕО) Филипче од Битола: СДСМ се враќа!

Горан Наумовски

(ВИДЕО) Бузлевски: Време е за Преспа без отпад, со силно земјоделство и туристички развој

(ВИДЕО) Филипче: Во програмата на Бузлевски никој не е заборавен, со него Ресен повторно ќе се развива

(ВИДЕО) Филипче од Ресен: Со СДСМ земјоделците добиваа реална помош, со ВМРО-ДПМНЕ се без субвенции и со ниски откупни цени