Екипите на зимската служба на Град Скопје изминатава ноќ и во текот на утрово интервенираа на градските сообраќајници со 23 возила, фрлаа индустриска сол и го расчистуваа снегот од коловозот.
Од Град Скопје потсетуваат дека е потребно да поминат неколку часа за да почне да функционира индустриската сол и да има ефект до -5 степени.
Во надлежност на Град Скопје за чистење се булеварите и одредени градски улици, а преостанатите улици се во надлежност на општините.
Од Град Скопје им препорачуваат на возачите да возат внимателно и да се придржуваат на условите на коловозите.
Градските власти апелираат до граѓаните, куќните совети и до сопствениците на деловните објекти да се придржуваат до законската обврска и да ги расчистат приодите кон нивните објекти.