Со почеток во 14 часот, на протестот „Граѓаните за Македонија“ граѓанска и натпартиска коалиција за враќање на достоинството на луѓето и за одбрана на Уставот на Републиката“ се бара оставка на премиерот Никола Груевски, формирање преодна влада, која ќе обезбеди пречистување на избирачкиот список, ослободување на јавниот сервис МРТ од контрола на власта, избор на независен Јавен обвинител, како и организирање целосно слободни и демократски избори, кои ќе ја одразат реалната политичка волја на граѓаните на Македонија.“
Коалицијата „ГРАЃАНИТЕ ЗА МАКЕДОНИЈА“ досега ја поддржуваат 80 здруженија на граѓани и над 15 политички партии, а протестот „Доаѓаме“ е дополнително поддржан и од други партии, здруженија, коалиции, пленуми, синдикати.
Неколку организации се приклучуваат на протестот пред влада марширајќи и протестирајќи. Студентскиот пленум со марш од платото на УКИМ во 13 часот до Владата се приклучува на барањата на протестот.
По протестот околу 5.000 луѓе остануваат да кампуваат пред Владата се до оставката која се бара од Никола Груевски.