Градоначалниците на Град Скопје и на Општина Аеродром, Коце Трајановски и Ивица Коневски, денеска го означија почетокот на изградбата на новата водоводна мрежа на ул. „Васко Карангелески“ во близина на pоликлиниката „Јане Сандански“.
– Изградбата на новата мрежа ќе овозможи поквалитетно водоснабдување на околните станбени згради, а ќе се создадат и подобри услови за развој на локалитетот, индустриска зона – урбана единица В, рече Трајановски.
Новата водоводна мрежа ќе се гради од крстосницата на ул. „Васко Карангелевски“ со ул. „Трета македонска бригада“ до крстосницата кај pоликлиниката „Јане Сандански“ и ќе биде долга 350 метри. На овој потег ќе се постават два цевковода, првиот со профил од 150 мм за високата зона и вториот со профил од 300 мм за ниската зона. На изградбата на новата водоводна мрежа ќе работат екипи на градежната компанија АД „Енергомонт“ – Скопје, а рокот на изведба е 1,5 месец. Град Скопје за овој проект ќе одвои околу седум милиони денари.