Жители на Треска: Со години се случуваат пожари, Треска е небезбедно место за живеење

Од:

Ние, претставниците на работничките станови кај Треска кои живееме на овој предел, револтирани сме што со години веќе никој не наоѓа решение за нашата безбедност. Не е прв пат да апелираме дека Треска е небезбедно место за живеење, каде многу често доаѓа до пожари, а неодамна испративме и известување до јавноста дека старата фабрика за мебел е еколошка темпирана бомба.

Повеќепати сме биле сведоци на палење на електрични кабли поради крадење на бакарот, што доведувало до бројни пожари и интервенции на Противпожарната служба, меѓутоа поради непристапноста на теренот последиците биле огромни. Секојдневно гледаме разбојништва во напуштениот индустриски капацитет и „Треска“ веќе одамна е прибежиште на крадци, бездомници и наркомани.

Стравуваме за безбедноста на нашите животи и безбедноста на нашите деца, кои наместо да живеат во урбанизирана населба сред центарот на Скопје, во своите дворови гледаат наезди од инсекти, змии и стаорци.

Практично од самото затворање на фабриката, оваа локација е потенцијална опасност не само за нас жителите, туку и за сите граѓани на Скопје, и бараме итно решавање на проблемот и конечно урбанизирање на овој дел од градот. Од нашето уставно загарантирано право на достоен живот нема да се откажеме, а денешниот пожар е само уште една потврда дека овде до овие рушевини повеќе не е безбедно да се живее.

Ние жителите стравуваме дека може да има нови експлозии и нови поголеми пожари, а нашите повици за урбанизација на оваа локација не доаѓаат само поради денешната катастрофа, туку поради сè понеподносливите услови за живот.

Како и сите граѓани, и ние сакаме отворени прозори со свеж воздух и зеленило, а не смрдеа, страв од разбојници и живот на депонија.

 

 

 

 

*PR текст

Би можело да ве интересира

Куче и мачка се осомничени дека предизвикале два пожари во Јапонија минатата година

Горан Наумовски

Во старата новосадска дискотека се пронајдени две јагленосани тела

Горан Наумовски

(ВИДЕО) Пожар во Петроварадин, изгоре поранешната дискотека, се стравува дека има и мртви

Горан Наумовски

Голем пожар во Сплит, гори магацин за автомобилски гуми

Скопјанец предизвикал пожар во домот „Ранка Милановиќ“

Запален објектот „Ранка Милановиќ”: Спасен човек, повреден пожарникар

Ана Ололовска