„Државната власт е власт, но и ние имаме свои права и не даваме Дебар Маало да се уништи, вака жители на Дебар Маало, синоќа на средбата со градоначалникот Андреј Жерновски, службите на општината и НВО секторот, го изразија својот револт за како што велат, повеќе децениското дивеење на градежната мафија и како што велат, урбанистичко силување на овој дел од центарот на Скопје.
За да ги искажат своите проблеми и да ги сменат работите со носење на детален урбанистички план според нивните потреби, не им пречеше ниту поројниот дожд ниту грмотевиците. Јасно порачаа – кај ПУИГ не сакаат нова станбена зграда, ниту пак 55 катница на местото на општината“, се вели во соопштението на Општина Центар.
„На местото на локацијата кај ПУИГ, наместо зграда ќе има зелена површина, детско игралиште и реквизити за играње. Затоа е неопходно да ги пополните анкетните ливчиња со Ваши барања и забелешки и доколку Министерството за транспорт и врски не даде согласност за ДУП-от, тогаш ќе треба да се соочат со вољата и незадоволството на граѓаните. Катна гаража не мислам да правам и тука ќе има зелена површина, бидејќи и тоа е барање на граѓаните. Неколкупати веќе кажав, но и сега да повторам, немам намера да градам општинска административна зграда. Значи, 55 катница нема да никне, ниту сантиметар зеленило ќе се уништи, ниту едно дрво ќе се исече“, рече Жерновски.
„Жителите на овој дел од Дебар Маало се изненадени, но и крајно револтирани како може владата, три парцели да ги прогласи дека се од посебен интерес, планирајќи тука да гради станбени објекти и хотелски комплекс. Ова, појасни градоначалникот Жерновски, мора да го направи сред летни одмори, донесувајќи правилник на 21-ви јули. Граѓаните сами предложија дека треба да се организираат во борбата со градежната мафија.
И за денеска е предвидена средба со граѓани во 17 часот, кај пазарчето Буњаковец“, велат од Општина Центар.
