Д.Ц. (41) од Василево, Струмичко, е во животна опасност откако синоќа бил тешко повреден при расправија со браќата Ѕ.А. (36) и М.А. (32) од истото село.
Според МВР, немилиот настан се случил во дворот на куќата на Д.Ц. околу 19:00 часот. Ѕ.А. со лопата го удрил Д.Ц. во пределот на телото, а потоа со мотика во пределот на главата.
Д.Ц. бил пренесен во Медицински центар Струмица од каде, по укажаната лекарска помош, поради сериозноста на повредите бил пренесен во Ургентен центар Скопје.
Ѕ.А. и М.А. се лишени од слобода и приведени во СВР Струмица, а предметите со кои е извршено делото се обезбедени.
Во присуство на Јавен обвинител увид на местото на настанот извршила екипа од СВР Струмица.