ОЈО Тетово почна истражна постапка против жител на Порој за производство и препродавање дрога

Од:

Постапувајќи по поднесена кривична пријава, Основното јавно обвинителство Тетово донесе Наредба за спроведување истражна постапка против 31-годишен жител на Порој за кого постои основано сомнение дека сторил кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик, соопштија од ОЈО Тетово.

– Осомничениот, на 12 април, во преградата меѓу двете предни седишта на автомобил „Хамер“ со тетовски регистарски ознаки, неовластено држел 99,91 грама наркотична дрога кокаин, како и наркотична дрога марихуана со засега неутврдена маса, спакувани во повеќе помали пакувања. При претрес на автомобилот биле пронајдени и две мали дигитални ваги, информираат од тетовското обвинителство.

Јавниот обвинител до судијата на претходна постапка од Основниот суд во Тетово достави предлог за определување притвор за осомниченото лице. Судијата го прифати предлогот и на осомничениот му определи притвор во траење од 30 дена.​​

Би можело да ве интересира

Уапсени тројца скопјани затоа што нападнале полицајци

Ана Ололовска

Татко и син од Крушево со пила се заканувале на шумочувари

Ана Ололовска

Приведен битолчанец по обид за силување малолетничка

Ана Ололовска

34 прекршувања на забраната за движење, 396 санкции за неносење маска

Ана Ололовска

Претрес во Гази Баба, приведен дилер на дрога

Ана Ололовска

Тројца скопјани не пуштале тетовец да гради на плац кај Стенковец што го купил за 160.000 евра

Жарко Настоски