Дваесет и седумгодишен жител на селото Форино е згрижен во гостиварската болница, откако по тепачка со соселанец бил прободен неколку пати со нож.
Според СВР Тетово, тепачката се случила околу 12 часот и 45 минути на булеварот „Гоце Делчев“, во близина на диспанзерот за Трудова медицина. По куса расправија Б.Д. (30) од Форино извадил нож и со него повеќе пати го удрил Б.Н. (27). Од исечениците, Б.Н. обилно крварел и бил пренесен на ургентното одделение на гостиварската општа болница.
Полицијата, набрзо го привела Б.Д. и работи на утврдување на мотивите и расветлување на околностите под кои се случилнастанот.
Во тек е увид на истражен судија и екипа на крим техника од полицикста станица Гостивар.
