На регионалниот пат од село Јажинце – Тетово, кај село Одри, вчера во 18.15 часот полициски службеници од Полициската станица за граничен надзор Рогачево при Регионалниот центар за гранични работи Север го лишиле од слобода С.Ј.(31) од тетовското село Мала Речица.
МВР денеска соопшто дека при преглед во возилото „бмв х5“ со тетовски регистарски ознаки, кое го управувал, биле пронајдени и одземени 7123 парчиња разновидни пиротехнички средства.
Лицето било задржано во полициска станица, за настанот бил запознаен јавен обвинител и по негово целосно документирање ќе биде поднесена соодветна пријава.