Дваесет и четврти пат и оваа година, ќе се одржи традиционалното собирање за Бадник.
Овогодишен кум е Илија Малинковски – Ики, а желби за среќна, успешна и бериќетна 2016-та година ќе посака здравичарот, познатиот естраден уметник, Драган Мијалковски.
Благодарност од Одборот за одбележување на Бадник за поддршката на градоначалникот на општина Центар, Андреј Жерновски.
“Традицијата за собирање и дружење на Бадник од 1993-та година говори за голема љубов и сериозна традиција. Мене, како градоначалник, ми останува да го продолжам она што го правеле претходните и она што ќе го прават идните градоначалници на Центар. Традицијата ќе не’ надживее и нас, а ние ќе ја пренесеме и на идните генерации“, рече градоначалникот Жерновски.
На 27-ми декември, во 12:00 часот, во Говрлева Краста ќе се берат бадникови гранчиња, а прославата е на ден, Бадник, 6.1.2016-та, пред Соборниот храм во Скопје.