И староста може да биде убава, затоа нашата грижа за возрасните треба да биде постојана и навремена. На нив им е потребна соодветна нега, сместување, но пред се’, љубов и внимание.
По четврти пат и веќе традиционално, пред новогодишните празници, градоначалникот на општина Центар, Андреј Жерновски, ги посетува лицата сместени во Геронтолошкиот завод „13-ти Ноември“ во Скопје, но интересот за нив трае цела година.
„Тука сме со целата наша поддршка за вас, бидејќи не смееме да заборавиме кој не’ пораснал. Сакам да ви се заблагодарам за се’ што направивте за нас. Нашата грижа останува, како и досега и во наредниот период“, им порача Жерновски, посакувајќи им среќни празници и многу среќа и здравје за нив и за нивните семејства.
Жерновски им подели пригодни подароци, а за убавата предновогодишна атмосфера се погрижија децата од центарската градинка „13-ти Ноември“.
