Градоначалникот на општина Центар, Андреј Жерновски, поднесе барање за поведување на прекршочна постапка против непознат сторител, поради уништување на општински имот и загрозување на животот на легално избраните советници, градоначалник, општинската администрација и претставници на медиумите.
Градоначалникот не може да поднесе пријава против организаторот, бидејќи во регистарот не може да се идентификува организацијата „Веритас“, која се јави во медиумите како организатор на протестите.
Градоначалникот ја повикува Сузана Миновска, која даваше изјави во име на „Веритас“, да го открие идентитетот на организацијата. Ја поканува да дојде во општината или тоа да го стори во МВР-Сектор за јавен ред и мир.
И во дописот до полицијата, според информациите од командирот, немало печат и адреса, за да се види кој точно го организирал протестот, кој го најавуваа како мирен и граѓански.
Во пријавата е наведена штетата и што точно се случуваше за време на седницата на Советот.