Одбраната на експремиерот Никола Груевски ги користи сите средства за да го одложи судењето. Ова го изјави пред Основиот суд поранешниот градоначалник на Општина Центар Андреј Жерновски.
„Колку и да се пролонгираат судењата, правдата ќе стигне“, рече Жерновски.
Денеска беше одложено судењето за насилствата во Центар, во кое осомничени се лидерот на ВМРО-ДПМНЕ Никола Груевски, поранешниот министер за транспорт и врски Миле Јанакиески и пратеничката Даниела Рангелова.
Одбраната побара да биде одложена главната расправа поради недостаток од камери за тонско и визуелно снимање на судењето.
В.М.