Градоначалникот на општина Центар, Андреј Жерновски, кажа дека нема да се гради бензинска пумпа кај пазарот Буњаковец.
Тоа, според Жерновски, е желба која ја изразиле жителите на општина Центар и која ќе ја почитува. Тој ги оцени како груба манипулација тврдењата на дел од медиумите дека ќе се отстрани пазарчето Буњаковец.
– Имаше две желби од жителите на општина Центар, едната на локално, другата на централно ниво.
– Желбата на локално ниво беше да нема бензинска пумпа кај пазарот Буњаковец. Затоа во ДУП-от кој ќе го поднесам за седницата на советот на општина Центар, нема да има бензинска пумпа. Втората желба на централно ниво е што побргу Груевски да замине од политичката сцена, и тој треба да ја испочитува волјата на граѓаните, рече Жерновски на соопштувањето на резултатите од акцијата „Цел Центар на точак“