Седиштето на ВМРО-ДПМНЕ е дивоградба, вели градоначалникот на општина Центар Андреј Жерновски. Но, вели, се покажа уште еднаш дека партијата и државата се едно.
„Град Скопје донесе одлука дека само просторот каде е партиското седиште е под ингеренции на градот, а се околу под ингеренции на општина Центар. Оваа одлука е надвор од ум и разум. Второстепената владина комисија ја одби нашата жалба.Со ова се се покажа уште еднаш дека партијата и државата се едно.Тоа е дивоградба. Небулоза е само тој дел да биде под ингеренции на град Скопје. Законски не можеме да реагираме, но не се откажуваме. Собираме материјали од други институции“, изјави Жерновски.