Уште девет дена остануваат од 30-дневниот рок кој што Општина Центар го даде на политичката партија ВМРО-ДПМНЕ и на изведувачот „Бетон“, сами да ја отстранат нелегално изградената тераса.
Градоначалникот на Општина Центар, Андреј Жерновски, одговорајќи на новинарски прашања, денеска рече дека досега не видел дека нешто се презема.
„Ние и дадовме рок на политичката партија сама да ја отстрани дивата тераса. Ние не сакаме булдожери, но не сакаме да влеземе и во политички замки“, рече Жерновски.
Ова, посочи, е само дел од редовните активности кои ги презема Општината, за ред и почитување на законите. Редовно се мери и бучавата и загаденоста во Општина Центар.