Општина Центар додели 14 награди на најдобрите одделенски и предметни наставници и седум награди за најдобрите ученици од училиштата на нејзина територија.
Oпштина Центар смета дека доброто образование е услов за идни добри граѓани.
Критериумите за наградување ги определија и потврдија советите на секое од училиштата – најважни беа успехот, квалитетот, посветеноста и претходно освоените награди, се наведува во соопштението.
Свеченото доделување на наградите се одржа во основното училиште Јохан Хајнрих Песталоци, беше одржан рецитал, а своите таленти ги покажаа повеќемина ученици од центарските училишта.
„Сметам дека она што ќе го вложиме денес во образованието, утре десет пати ќе ни се врати, дека наградените ученици и наставници ќе знаат да ги мотивираат и другите. Од сите вложување, најдобро е вложувањето во образованието. Критериумите за наградување ги воспоставивте самите“, рече градоначалникот на општина Центар, Андреј Жерновски..
Од општината најавуваат дека наградите ќе се доделуваат секоја наредна година.