Вистинскиот мед е како добра медицина, ја има целата лековита сила на природата. Медот е најверојатно и првото слатко кое го пробал човекот и затоа во антички Египет медот им бил приложуван на боговите.
Децата од градинката „Раде Јовчевски – Корчагин“ се засладија од медот, научија корисни работи за него, а гостите ги забавуваа со пригодна приредба.
Меѓу гостите и градоначалникот на Општина Центар Андреј Жерновски, кој дегустираше од медот, но и уживаше во приредбата на најмладите.
Општина Центар и годинава е покровител на традиционалната манифестација “Денови на македонскиот мед“, која ќе започне од 29ти септмеври. Сите сладокусци и љубители на медот нека повелат на улица “Македонија“ каде што ќе бидат изложени пчелни производи од цела Македонија.
