Градоначалникот на општина Центар, Андреј Жерновски, преку својот ФБ профил и се обрати на министерката за внатрешни работи Гордана Јанкуловска:
„Сега сте, но еден ден нема да бидете министерка за внатрешни работи. Не Ви посакувам, по тој ден, да дознаете какво е чувството да Ве нападне организирана толпа, а полицијата намерно да не реагира и со насмевка да ужива во глетката. Сепак, верувајте ми на зборот- и во ваква наша Македонија, на крај, сепак ќе победи демократијата“, напиша Жерновски.
Вчера општина Центар, се обрати до началникот на полицијата, го извести за настаните и можните инциденти и побара полициско обезбедување.
Полицијата дојде во недоволен број и немо набљудуваше што се случува, не преземајќи ништо да се оневозможи вандализмот на демонстрантите.