Женски труп во фаза на распаѓање вечерва е пронајден во Кичево, во близина на хотелот „Панорама“, јавува Курир, повикувајќи се на полициски извори.
Според информациите на порталот, постојат сомневања дека починатата е Французинката Валери, бидејќи биле пронајдени патики, чанта, облека и други предмети кои се слични и наликуваат на описот на предметите кои на себе ги носела таа дента кога исчезнала, а биле опишани од нејзиниот сопруг.
Исчезнувањето на Валери беше пријавено на 25 јули, а за информација околу нејзиното пронаоѓање, нејзиниот сопруг пред неколку дена понуда парична награда во износ од 5.000 евра.
Од полицијата за порталот изјавиле дека сè уште нема потврда за идентитетот.
