Министерството за здравство информира дека од денес, 6.9.2017, започнува со работа гинекологот во амбулантата во скопската општина Шуто Оризари.
Во амбулантата ќе работи д-р Вјолца Мбиара, специјалист-гинеколог со долгогодишно работно искуство, меѓу другото, и во американска болница во Албанија, соопштуваат од Министерството за здравство.
„Конечно во амбулантата во Шуто Оризари ќе работи и гинеколог, со што решивме долгогодишен проблем и обезбедивме континуирана гинеколошка здравствена заштита за жените од oпштината“, изјави министерот Таравари.
