Четириесет и двегодишна жена од струмичкото село Робово им подлегнала на повредите здобиени во сообраќајна несреќа што се случила вчера попладне во селото.
Според информациите од МВР, несреќата се случила на 8 јули околу 13:50 часот во село Робово, при судир меѓу патничко возило „Опел астра“ со струмички регистарски ознаки, управувано од Р.Г.Р. (42) од Робово, и товарно возило „Ман“ со скопски регистарски ознаки, управувано од Ф.С. (32) од Скопје.
Во несреќата возачката на „Опелот“ се здобила со тешки телесни повреди и била пренесена во Комплексот клиники „Мајка Тереза“ во Скопје, каде подоцна починала.
Увид на местото на несреќата извршила увидна екипа на СВР Струмица, а причините за несреќата се утврдуваат.
