Жена од селото Горно Средорече е пронајдена рано утрово по целовечерна потрага откако синоќа се загубила берејќи печурки информира Центарот за справување со кризи.
Сопругот, кој го пријавил исчезнувањето, информирал дека биле заедно да собираат печурки на различни локации низ шума. Кога требало да се сретнат на договореното место, кај нивниот автомобил, жената не се појавила.
Во потрага по исчезнатото лице била вклучена и единицата за спасување на планина со куче обучено за пребарување, екипа на полицијата од СВР Охрид, како и мештани од селото, и роднини жената. Потрагата траела за дел од трагачите до еден часот по полноќ, дел од мештаните и роднините останале на терен.
Утрово од 05.00 часот сите екипи излегле на терен, по што за кратко време ја пронашле жената која според информациите од ЦУК е во добра состојба.
