Евроамбасадорот Самуел Жбогар денеска изјави дека позицијата на ЕУ е јасна и едноставна дека не коментираат судски процеси и дека треба да се остави судството да ја врши својата работа.
– Уште веднаш по настаните од 27 април нагласивме дека треба да има отчетност за сето што се случуваше во Парламентот. Нашите очекувања се сите страни и чинители во земјата во преден план да ги стават интересите на државата и нејзината иднина, рече Жбогар, одговарајќи на новинарско прашање по форумот „Децентрализацијата повторно во фокус“, што во организација на Министерството за локална самоуправа, Мисијата на УНДП во Македонија и Делегацијата на ЕУ од попладнево се одржува во Струга.