По две и пол децении, објектот на поранешната команда на гарнизонот на АРМ во Кичево премина во сопственост на локалната самоуправа.
Објектот, кој во последната деценија му беше отстапен на Министерството за образование, е во руинира состојба и за да биде употреблив потребно е да се вложи голема сума пари. Во него треба да биде сместена општинската администрација.
– За реконструкција на објектот е подготвен нов проект, а за пообемните градежни зафати што ќе следуваат, ќе се консултираме и со Институтот за земјотресно инженерство од Скопје. Реализацијата на овој проект ќе оди во повеќе фази, по што општинските служби конечно во целост ќе се сместат под ист покрив, а не како досега да бидат распоредени во повеќе објекти низ градот, истакна градоначалникот на општина Кичево Фатмир Дехари.