Браната Мантово почнала да прелива, предупреди Живко Георгиев, рибочувар во Ловно-риболовното друштво „Студенец“ во Општина Конче.
– Состојбата веќе е алармантна, водата веќе прелива преку преливникот и тече надолу, изјави Георгиев.
Директорот на ЈП „Радовишко поле“ Драган Чачаров, пак, изјави дека состојбата со езерото Мантово не е критична.
Тој соопшти дека вработените веќе презеле мерки со испуштање вода од езерото во реката Лакавица, која тече низ штипскиот регион и се влева во реката Брегалница.