Во првите три месеци од годинава градежните компании договориле работа во странство во вкупна вредност од 4.835.382.000 денари, објави денеска Државниот завод за статистика
Во периодот јануари-март годинава македонската градежна оператива во странство извршила градежни работи во вкупна вредност од 192.839.000 денари, што е за 248,7 проценти повеќе во споредба со овој период од минатата година.
Во анализираниот период е забележан зголемен обем на извршените градежни работи во Италија и Германија, додека на другите пазари е регистриран намален обем. Како нови пазари се јавуваат Индија, Швајцарија, Бугарија и Словенија.