Кочанската територијална противпожарна единица од почетокот на овој месец интервенирала во 10 случаи на предизвикан пожар на отворено и тоа во атарот на село Пресека на Осоговските Планини, трипати и во полскиот дел од општината. Во овие пожари била опожарена нискостеблеста шума и стрништа, а во село Пресека и борова шума.
Ова денеска го соопшти командирот на Територијалната противпожарна единица на Кочани Дејанчо Арсов кој информираше дека има зголемување на пожарите во општините од регионот на Кочанско.
– Не помогнаа ниту апелите, ниту разговорите и советите со населението на терен. Најголем дел од пожарите се предизвикани од човечки фактор, при што е направена големна материјална штета, истакнува Арсов.
Само во август се регистрирани 33 интервенци од наша страна, додава Арсов, при што е опожарена површина од 361 ха. Најмноги во овие пожари страдаше борова и букова шума во атарот на селата Зрновци и Мородвис на планината Плачковица.
– Во споредба со јули бројот на пожарите последните два месеци енормно се зголемува, па оттука и будноста на нашата ТППЕ како и на екипи од Шумското стопанство Осогово е голема, истакнува Арсов.
Тој посебно апелира до земјоделеците од полскиот дел на општината да не ги палат стрништата по жетвата на оризовата култура која стартува за десетина дена,за да не се пердизвикаат пожари и штети со несогледливи последици.