Земјотрес со магнитуда од 3.1 според Рихтеровата скала утринава во 7 часот и 12 минути е почувствуван во околината на Скопје.
Како што информира Сеизмолошката опсерваторија, земјотресот потекнува од скопското епицентално подрачје и е почувствуван во селата Рашче, Горни и Долно Свиларе, Кондово, Сарај и околината со интензитет од III до IV степени според Европската макросеизмичка скала–1998.
