Земјотрес со јачина од 4,8 степени по Рихтеровата скала беше почувствуван во Скопје и југозападниот дел на Македонија во 18 часот и 33 минути. Десет минути подоцна следуваше уште еден посилен потрес со јачина од 4,9 степени според Рихтеровата скала.
Епицентарот е на 85 километри југозападно од Скопје, или 16 километри јужно од Вранештица, Кичевско.
Според информациите на А1он, во неколку градови, посебно во Кичево и Охрид, жителите ги фатило паника и избегале од повисоките станбени објекти. Нема информации засега за евентуални штети во близина на епицентарот, односно кичевското село Вранештица.