Серија земјотреси, од кои најсилниот со магнитуда од 3,6 степени според Рихтеровата скала, се регистрирани попладнево во 14 часот и 53 минути во Пехчево и Кочани, соопшти Сеизмолошката опсерваторија при Природно-математичкиот факултет во Скопје.
Епицентарот на земјотресите бил на шест километри западно од Пехчево, а се почувствувани со интензитет од три-четири степени според Европската макросеизмичка скала.