Демократската обнова на Македонија ги подготвува „зелените“ советнички листи, на кои во голем дел како носители се јавуваат жените, изјави денеска на прес-конференција портпаролот на ДОМ Тони Ристов.
Додаде дека од досега пристигнатите, таков е случајот со Охрид, Битола, Куманово, Кочани, Кисела Вода, Свети Николе и Гевгелија.
–
Покрај големиот број жени кандидати на зелените листи на ДОМ се најдоа и експерти од повеќе области како зелена економија, заштита на животната средина, култура, наука и припадници на граѓанскиот сектор. Ова е голема можност во идниот период низ општините на Македонија да зајакне гласот и заложбите за зелените политики и проекти. Сите наши заложби за зелени општини наскоро ќе ги обзнаниме во Зелената програма на ДОМ за локалните избори, рече Ристов.
За градоначалничките позиции, ДОМ ќе ги поддржи кандидатите на Коалицијата за подобра Македонија.