Здравствениот дом во Пробиштип е прв гасифициран објект во регионот

Од:

Со донацијата од САД комплетно се реновирани просториите и влезот во итната медицинска помош, а Здравствениот дом во Пробиштип е гасификациран и променета е покривната конструкција на објектот. За таа цел денеска Здравствениот дом во Пробиштип го посетија министерот за здравство Венко Филипче, генерал-мајор Грегори Најт и вршителот на должност амбасадор на САД Ерик Мајер.

dobivaj vesti na viber

Министерот Филипче се заблагодари за помошта којашто во континуитет ја добиваме од нашиот, како што рече, најголем и најважен стратешки партнер САД, во делот на менаџирање на ковид кризата, но и генерално во изминатите повеќе од 20 години, посебно во секторот здравство.

-Од почетокот на кризата помогнаа на Министерството за здравство со донација за нас многу битна во форма на лична заштитна опрема, заштитни маски, медицинска опрема, посочи Филипче.

Министерот Филипче му посака добредојде на новиот заменик амбасадор, претставникот на Американската војска и им се заблагодари на сите претставници на тимот кои работеа на овој проект.

-Овој проект е дел од една серија на проекти за зајакнување на здравствените институции во нашата земја и по Клиниката за неврологија, Детска хирургија, болницата во Демир Хисар, ургентниот центар во болницата „Осми Септември“, ова е проект којшто е сега завршен и значи целосна енергетска ефикасност во делот на реконструкцијата на покривот и гасификација, со што овој објект е прв објект во Пробиштип којшто користи течен гас за затоплување и со ова е решен проблемот со загадувањето во овој дел, рече Филипче.

Министерот за здравство информира дека ќе продолжи соработката и дека има тековни проекти. Се реконструира Клиниката за максилофацијална хирургија и треба да започне реконструкцијата на Клиниката за хематологија.

Генерал-мајор Грегори Најт нагласи дека се она што може да се види во Здравствениот дом во Пробиштип е резултат на повеќедецениска соработка, што резултира со успех во корист на граѓаните на Пробиштип.

– Имав можност да го воочам навистина импресивниот одговор на Северна Македонија во ковид пандемијата, како и за реализираните донации кои доаѓаат од Владата на САД. Нашата амбасада овде ја покажува широкоградата соработка и посветеноста која ја имаме за граѓаните на Северна Македонија. Со нетрпение ги очекувам и наредните 20 години партнерство со оваа земја, изјави генерал-мајор Грегори Најт.

Би можело да ве интересира

Пациентите со ретки болести цел месец без лекови, чекаат да завршат роковите за жалби на тендерот

Орце Костов

Препораки за заштита на здравјето на населението од високите температури

Ана Ололовска

Касарната „Илинден“ е можна локација за новиот клинички центар, има политичка усогласеност за реализирање на проектот

Маја Илиевска-Пачемска

Матичните лекари од цела Македонија утре на штрајк пред Министерство за здравство: Ова е нашиот последен крик за спас

Маја Илиевска-Пачемска

МЗ: Започнува организиран скрининг за рана детекција на рак на грло на матка

Ана Ололовска

Сали за поканата до Даниловски, Пановски и Марковски: Не е време за молење туку за засукани ракави

Маја Илиевска-Пачемска