Од утре прекинува да важи забраната за движење на тешки товарни моторни возила на подрачје на град Скопје, односно на оние возила чијашто најголема дозволена маса надминува 15 тони, соопштија од Градот.
Екипите на ЈП„ Улици и патишта“, како изведувач на работите, по налог на Град Скопје, во текот на денешниот ден ги отстрануваат сообраќајните знаци кои беа поставени за временото ограничување и пренасочување на товарниот сообраќај, односно (времената сообраќајна сигнализација), со цел безбедно и непречно одвивање на сообраќајот по уличната мрежа на град Скопје.