Завршна конференција на проектот „Реформа во секторот вода на централно ниво”, чија главна цел беше во земјава да се воспостави систем за поврат на трошоците во секторот за водоснабдување и отпадни води преку поддршка на спроведувањето на Националната студија за тарифи за вода и ревидирана политика за тарифи за вода, денеска ќе се одржи во Скопје.
Проектот во вредност од 1,8 милиони евра, што се спроведуваше во изминатите 13 месеци, е финансиран од Европската унија во рамки на ИПА оперативната програма за регинален развој 2007-2013.
Проектните активности беа фокусирани на процесот на подготовка и упатства за спроведување на ревидираната методологија за тарифи за вода од страна на Регулаторната комисија за енергетика, обука за претставниците на општините и јавните комунални претпријатија со цел да им се овозможи да применуваат ревидирана методологија за утврдување на тарифите и зајакнување на способностите на системот за инспекции и спроведување на методологијата за тарифи за вода.