„Изградба на капацитетите на агенциите за спроведување на законот за соодветен третман на притворените и осудените лица“ е проект финансиран од ЕУ и спроведуван од Советот на Европа, за кој денеска во Скопје ќе се одржи завршна конференција.
Проектот се фокусира на две главни компоненти – казнениот систем и полицијата. Целта е зајакнување на организациските и раководните капацитети на затворите за да се обезбеди целосна заштита на човековите права во односот со притворените и осудените лица. Во однос на полицијата со проектот треба да се постигне развој на капацитетите за обезбедување професионалност која ќе гарантира целосно почитување на фундаменталните права на притворените лица.