Делегацијата на ЕУ во Скопје и Министерството за образование и наука денеска органиизраа завршен настан за проектот финансиран од ЕУ „Имплементација на законодавството за заемно признавање на професионалните квалификации”.
Негова цел е прилагодување на македонското законодавство кон европското за да се овозможи мобилност на пазарот на трудот.
Покрај подготвените документи во согласност со директивите на ЕУ, во рамки на проектот е ажурирана листата на регулирани професии кои од над сто сега се во намален број и постојано ќе се ажурираат и се дадени предлози за поврзување на националните наставни програми со потребните обуки за регулираните професии.
Развиено е и софтверско решение и база на податоци за заемно признавање на професионалните квалификации.