Заврши маратонското рочиште за „ТНТ“: Продолжува наутро в понеделник

Од:

Доцна вечерва по 20.30 часот заврши маратонското рочиште за предметот „ТНТ“ на СЈО, во кое на прашањата на адвокатите од 12 часот, со паузи одговараше обвинетиот Миле Јанакиески.

Судското рочиште почна со натегање меѓу судијата Огнен Ставрев и адвокатите назначени по службена должност за времето потребно за увид во доказите и продолжи со испитување на Јанакиески, кое со паузи, траеше повеќе од осум часа. Јанакиески говореше за односот со семејството на бизнисменот Фијат Цаноски, за процедурите за издвање и неиздавање одобренија за градење и локациски услови, за прислушуваните телефонски разговори…

В понеделик се откажани сите други рочишта во кои суди овој судечки состав и во 9.30 продолжува судењето за „ТНТ“. Прашања на Јанакиески ќе треба да му поставува обвинителот од СЈО, Бурим Рустеми.

На една од поротничките во советот на 24 декември, односно во вторник ѝ истекува мандатот, а таа има наполнето 60 години. Доколку дотогаш не биде донесена пресуда, предметот кој се суди две години ќе мора да почне одново.

Според обвинението на СЈО, обвинетите во 2011 година сториле кривично дело од политичка омраза со уривање на комплексот „Космос“ на тогашниот политички противник Фијат Цаноски. СЈО тврди дека со постапката на уривање е предизвикана штета од 16 милиони евра, а дополнително на буџетот на општина Гази Баба уште три милиони денари. Цаноски и фирмата ФИМЕТ најавија дека ќе барааат отштета.

Обвинети се експремиерот Никола Груевски, поранешниот министер за транспорт и врски, Миле Јанакиески, ексградоначалникот Тони Трајковски, како и Елизабета Најдовска, Насер Алев, Марика Зафировска и Александра Димитриева.

Би можело да ве интересира

Сериозна, но минлива е здравствената состојба на Трајковски – „ТНТ“ продолжува за 15 дена

Ана Ололовска

Трајковски не дојде на ТНТ, сведочи неговата докторка зад затворени врати

Кристијан Ландов

Поради ТНТ се одложи рочиштето за „Тендери“ против Елизабета Канческа-Милевска

Кристијан Ландов

Продолжува судењето за уривањето на комплексот „Космос“

Ана Ололовска

Судот ја повика докторката да ја образложи здравствената состојба на Тони Трајковски

Ана Ололовска

ВИДЕО: Трајковски по рочиштето за ТНТ не можеше да стои, адвокатот го седна на клупа

Ана Ололовска