Затвореник во Казнено-поправната установа Идризово вчера бил избоден со остар предмет по расправија со друг затвореник.
Министерството за внатрешни работи во денешниот билтен информира дека инцидентот е пријавен во СВР Скопје вчера во 20:05 часот.
Според пријавата, 42-годишен затвореник од село Студеничани бил повреден околу 18:30 часот во една од ќелиите откако претходно имал расправија со 35-годишен затвореник.
Повредениот е пренесен во комплексот клиники „Мајка Тереза“. Се преземаат мерки за расчистување на случајот.
