Затворен за сообраќај булеварот кај Бит Пазар

Од:

Од денеска ќе биде затворен за сообраќај булеварот „Крсте Петков-Мисирков“ односно делницата во правец на Бит пазар, од крстосницата со булеварот „Гоце Делчев“ до клучката Детелинка.

Делницата ќе биде затворена од 08:30 часот денеска до 08:30 часот утре, а причината е асфалтирање на патот.

Автобуските линии ќе бидат пренасочени кон Скопскиот саем и клучката Континентал и назад кон клучката Детелинка.

Од ЈСП Скопје информираа дека линиите 2, 16, 43 и 50 од крстосницата на бул. „Гоце Делчев“ со бул. „Крсте Мисирков“, наместо да свртат лево, ќе продолжат право кон Скопски саем и од постојката кај хотелот „Континентал“ ќе продолжуваат по своите редовни траси.

Линиите 8, 17, 19, 26, 57, 57А и 59 од крстосницата на бул. „Гоце Делчев“ со бул. „Крсте Мисирков“, наместо да свртат лево, ќе продолжуваат право кон клучката Континентал, од каде ќе излегуваат на бул. „Александар Македонски“ и од клучката Детелинка ќе продолжуваат по своите вообичаени траси.

Линиите 9, 20, 35, 47, 47А, 61, 71 и 81 од крстосницата на бул. „Крсте Мисирков“ со бул. „Гоце Делчев“, ќе вртат десно кон Скопски саем, па кон клучката Континентал, од каде ќе излезат на бул. „Александар Македонски“, а од клучката Детелинка ќе продолжуваат по своите вообичаени траси.

Линиите 45, 52, 53, 54, 55, 55В, 62, 63, 63А, 65, 65А, 65Б, 65В, 66, 66А и 68 од крстосницата на бул. „Крсте Мисирков“ со бул. „Гоце Делчев“, ќе вртат десно кон Скопски саем и од постојката кај хотелот „Континентал“ ќе продолжуваат по своите вообичаени траси.

Во обратен правец, посочените линии ќе сообраќаат по вообичаените траси.

Би можело да ве интересира

Пропаѓале врски, бракови, бизниси – Италија ги укинува фотографиите од камерите за брзина во сообраќајот

А1он

Пет денови посебен режим на сообраќај во главниот град

А1он

Казнети 285 возачи во Скопје, 107 за брзо возење

Поради генерална проба за Министерскиот совет на ОБСЕ, утре посебен сообраќаен режим во Скопје

Предраг Петровиќ

Снег во Дебарско, прекини во снабдувањето со струја

Во прекин сообраќајот за тешки товарни возила на патот Струга – ГП „Ќафасан“

Предраг Петровиќ