За спорните одредби во новиот Закон за високо образование, власта, без опозиција, ќе гласа во понеделник, во очи Нова година.
Законот, без дебата, како во сите демократии, ќе се „истурка“ на мускули. Не се зема предвид несогласувањето ниту на студентите ниту на професорите. А во него, доколку не се почитува некоја одредба, предвидени се драконски казни.
Глоба во износ од 10.000 до 30.000 евра во денарска противвредност и мерка забрана за вршење на високообразовна дејност ќе и се изрече на високообразовната установа која ќе издаде диплома за завршено високо образование на студент кој не положил државен испит или доколку на студентот му дозволи полагање на испити од трета година без претходно да го има положено државниот испит кој се полага по завршувањето на втората студиска година.
Одговорното лице на високобразовната установа, кое ќе постапи спротивно на овој закон, односно ќе издаде дилома за завршено високо образование на студент кој не положил државен испит или доколку на студентот му дозволи полагање на испити од трета година без претходно да го има положено државниот испит кој се полага по завршувањето на втората студиска година, ќе се казни со затвор од 1 до 3 години.
Казни се превидени и за студентите и за професорите, кои нема да ги почитуваат одредбите.
Т.Ц.