Фановите, музичарите, актерите и пријателите на социјалните мрежи се простуваат од кралот на ромската музика, Ферус Мустафов кој почина ноќеска на 72-годишна возраст.
„Затоа свири за мене, свири ми брате Ферусе… Лесна ти земја, мајсторе…“, напиша актерот и шоумен Игор Џамбазов.
Зоран Крагуевски, професор по саксофон и кларинет во средното музичко училиште „Илија Николовски-Луј“, напиша:
„Ферус, ти ни беше патоказ како треба ромската музика да биде обликувана. Остави огромен материјал зад себе. Ми беше секогаш чест и мило кога бевме заедно.
Моите почетоци беа со тебе, се радував на твоето маестрално свирење. Сочуство до семејството! Бог да го прости и нека му биде светол господовиот пат“.
Ферус Мустафов е роден на 20 декември 1950 година во Штип. Зад себе има импресивна музичка кариера и бројни настапи во Македонија и ширум светот.