Заштитни маски за повеќекратна употреба, заштитни наочари, ракавици и средства за дезинфекција денеска и беа донирани на Општина Карпош од компанијата „Санмарти“ ДОО
Оваа опрема, како што најавуваат од локалната самоуправа, ќе ја користат комуналните служби на Општина Карпош, кои секојдневно дезинфицираат згради, улици, јавни површини и урбана опрема.
Општината тековно доделува опрема на сите вработени, но секоја поддршка е значајна и добредојдена. Локалната самоуправа ја истакнува својата благодарност до оваа општествено одговорна компанија која во ваков значаен период ја поддржа работата на Карпош за намалување на последиците од коронавирусот, стои во соопштението на Општина Карпош.
Од Општината ги повикуваат сите граѓани да носат заштитни маски и да се придржуваат до препораките од надлежните институции.