Заменик помошникот државен секретар на САД, Метју Палмер пристигна во Владата на Република Македонија каде ќе одржи средба со премиерот Зоран Заев на која ќе се разговора за актуелните случувања на политичката сцена во Македонија.
Метју Палмер денеска покрај средбата со министерот за надворешни работи Никола Димитров, имаше средби и со политичари од албанскиот блок. Првата средба ја оствари со лидерот на скопскиот блок од БЕСА, Африм Гаши, потоа во клубот на пратеници се сретна со лидерот на ДУИ, Али Ахмети, а разговараше и со претседателот на ДПА, Мендух Тачи.
Пред минатонеделното гласање за потребата од уставни промени, американскиот заменик помошен државен секретар изјави дека не треба да се градат некакви илузии оти Македонија може да стане дел од НАТО и ЕУ преку некој друг договор со Грција. Тој на самитот за безбедност во Белград истакна дека договор како Преспанскиот е единствена шанса за помирување помеѓу Македонија и Грција.
По средбата некаде околу 18 часот следува заедничка прес конференција на Заев и Палмер.
Виктор Јованов