Во преполниот спортски центар „Форца“, официјално стартуваа Спортските училишни лиги во општина Карпош. На денешното свечено отворање присуствуваа учениците-учесници од 10-те основни училишта на територија на Општината кои ќе си ги одмерат силите во фудбал, кошарка, одбојка за девојчиња, шах, ракомет и пинг понг. Спортската манифестација, која се одржува по шестти пат, е поттик за секое дете да инвестира во својата иднина и во здравиот живот.
Претседателот на Комисијата за спорт при Советот на општина Карпош, Давор Грче со поздравен говор ги прогласи спортските училишни лиги за отворени.
-Од името на општина Карпош и градоначалникот Стевчо Јакимовски, ви посакувам пред се спортски однос, голем успех и фер борба на предстојните спортски натпреварувања. – истакна Грче. Во организација на одделението за култура и спорт, раководителот Патрик Поповски ги поздрави присутните и им посака успешен почеток на спортските училишни лиги.
-Општина Карпош како голем промотор и поддржувач на спортот, традиционално во овој период од годината, ги организира училишните спортски лиги. Ова е шестта година како успешно се одржуваат спортските игри, а за најдобрите се обезбедени спортски стипендии и спортски екскурзии. – заврши Поповски.