Започна проектот за регулација на Виничка Река

Од:

На пригодна свеченост денеска во Виница беше означен почетокот на работите за регулација на коритото на Виничка Река, проект кој општина Виница го доби со посредство на Источниот плански регион.

dobivaj vesti na viber

– Се работи за проект вреден 4.657.986 денари од кои 3.626.441 денари се средства од Министерството за локална самоуправа обезбедени преку Бирото за регионален рамномерен развој. Општина Виница во реализацијата на овој капитален проект учествува со средства во износ од 1.011.544 денари. Регулацијата на Виничка Река ќе приодонесе за уредување на речното корито и намалување на излевањата од надојдените води кои во горниот дел на градот создаваа проблеми за жителите и нивните домови, истакна Емил Дончев, градоначалник на Виница.

Изведувач на работите е компанијата „Коп инженеринг“ од Скопје.

Должината на коритото кое ќе биде регулирано изнесува 420 метри, а е на потегот од мостот во центарот на градот па кон север до излезот на градот. Според планот, проектот целосно се очекува да биде завршен за четири месеци.

Би можело да ве интересира

Приведен разбојник на автобуска станица во Виница

Објавен конкурсот за карикатура на Фестивалот за хумор и сатира „Ин Виница веритас“

А1он

Почнува изградбата на затворен пазар во Виница

Ана Ололовска

Сто денари плата за мај добиле вработените во КП „Солидарност“ од Виница

Ана Ололовска

20-годишен газда од Виница „на диво“ градел хала во градот

Жарко Настоски

Затворен и базенот во Виница каде се правеа забави

Кристијан Ландов