Со дефиле на над осумстотини учесници од фолклорни групи и ансамбли низ улиците на село Истибање, Виничко и со фрлањето на цветниот венец во водите на река Брегалница, започна годинашниот 29-ти по ред Меѓународен фолклорен фестивал „Истибањско здравоживо 2014“.
– Годинава имаме рекорден број на учесници од повеке фолклорни ансамбли кои ни доаѓаат од Ерменија, Полска, Турција, Гвинеја, Киргистан, Индија, Романија, Хрватска, Белорусија, Египет, Алжир и Бугарија. Од Македонија на фестивалот во текот на петте фестивалски дена ќе настапат и фолклорни ансамбли од Виница, Македонска Каменица, Радовиш и Кичево, изјави Стојко Митковски, раководител на фестивалот во Истибања.
Во наредните денови во рамките на фестивалот ќе се одржат целовечерни концерти во Македонска Каменица, Облешево и Виница, ќе бидат посетени повеќе културно-историски споменици во Источна Македонија, а гостите од странство во понеделник ќе ги посетат знаментостите на Скопје.
Вечерва во село Истибање ќе настапи Ансамблот за народни песни и игри „Танец“.
Фестивалот финансиски го помогнаа Министерството за култура и општина Виница.